Երբ էսպրեսո սուրճը վերածվում է նկարչական կտավի (լուսանկարներ, տեսանյութ)

Սուրճի, հատկապես՝ էսպրեսոյի և ճապոնական անիմե ոճի սիրահարներին անկասկած դուր կգա Սուգի կեղծանունով  հանդես եկող ճապոնուհու ուշագրավ աշխատանքները, գրում է Oddity Central-ը։ Աղջիկն  անիմե ոճով գեղեցիկ կերպարներ է նկարում՝ կտավի փոխարեն օգտագործելով էսպրեսոյով լի սուրճի բաժակը։

Մատուցող աշխատող Սուգին կիրառում է  միայն ատամի փայտիկներ, շոկոլադե սիրոպ և կարողանում ամենայն մանրամասնությամբ վերարտադրել անիմե հայտնի կերպարները։

Տաղանդավոր մատուցողուհին պատմել է, որ ստեղծել է 800-ից ավելի նմանատիպ «կտավ»։ Ստորև առաջարկում ենք դիտել Սուգիի աշխատանքներից ամենաստացված նմուշները.