Լեոնարդո Դի Կապրիոն ռուս գործարարի հետ տիեզերք կթռչի

Մոնակոյում բնակվող ռուս գործարար Վասիլի Կլյուկինն իրավունք է ստացել տիեզերք թռչել հանրահայտ դերասան Լեոնարդո Դի Կապրիոյի հետ, տեղեկացնում է gazeta.ru-ն՝ Reuters գործակալությանը հղումով։

Ֆրանսիական Կանն քաղաքում ՁԻԱՀ-ի հետազոտության հիմնադրամի կողմից անցկացված բարեգործական երեկոյի ընթացքում Վասիլի Կլյուկինը հաղթել է աճուրդում՝ առաջարկելով 1.5 մլն դոլար։

Դի Կապրիոն և ռուս գործարարը Virgin Galactic ընկերության տիեզերանավով ճանապարհորդելու հնարավորություն են ստացել։ Ի դեպ, այս ընկերությունը նախատեսում է դառնալ պատմության առաջին տիեզերական տուրօպերատորը։

Թռիչքի ամսաթիվը դեռ չի նշվում։ Նախապատրաստությունն ընթանալու է Նյու Մեքսիկոյում։