Նոր գիրք Օդրի Հեփբերնի ոճի մասին (լուսանկարներ)

Ջուն Մարշը նախորդ տարի new look ոճի կերպարանափոխության և պատմության մասին գիրք է թողարկել (History of Fashion New Look to Now), իսկ մեկ տարի անց ներկայացնում է լեգենդար դերասանուհի և գեղեցկուհի Օդրի Հեփբերնի լուսանկարներով յուրահատուկ ալբոմը, գրում է buro247.ru-ն։

Բանն այն է, որ հեղինակի տեսադաշտում են հայտնվել գլխարկները, որոնց նկատմամբ դերասանուհին, ինչպես հայտնի է, անտարբեր չի եղել։

Գիրքն այդպես էլ կոչվում է՝ Audrey Hepburn in Hats, որում ընթերցողները կտեսնեն Հեփբերնի լուսանկարների արխիվը, որոնցում նա ներկայանում է հայտնի դիզայներների գլխարկներով, մասնավորապես՝ Givenchy, Christian Dior և Balenciaga։

Audrey Hepburn in Hats գրքի վաճառքը կսկսվի հունիսի 30-ից, սակայն արդեն իսկ կարելի է այն նախապես պատվիրել Amazon կայքում։