Հնագետները պերուական Ուարի հնագույն քաղաքակրթությանը պատկանող դամբարան են հայտնաբերել (լուսանկարներ, տեսանյութ)

Հարավային Աֆրիկայի հնագետները Պերուում հայտնաբերել են հնագույն և խորհրդավոր Ուարի քաղաքակրթությանը պատկանող առաջին կայսերական դամբարանը, որտեղ ոչ ոք մուտք չի գործել հազարամյակներ ի վեր, գրում է Daily Mail-ը:

1200 տարվա պատմություն ունեցող դամբարանը հայտնաբերվել է Պերուի մայրաքաղաք Լիմայից ոչ հեռու գտնվող El Castillo de Huarmey ծովափնյա տարածաշրջանում:

Գիտնականների խոսքով այս հայտնագործությունը կօգնի նրանց բացահայտել Անդյան լեռներում ապրող հնագույն կայսրության կենցաղը, որի անհետացումից հետո նույն տարածաշրջանում իշխել է Ինկերի հայտնի քաղաքակրթությունը:

Կայսերական դամբարանում հայտնաբերել են 1300 տարվա պատմություն ունեցող 63 կմախքներ, 3 թագուհիների մումիաներ, կերամիկական իրեր, ոսկեղեն, գանձեր և մարդկային զոհաբերությունների հետքեր: Այս ամենն ապացուցում է, որ Անդյան լեռներում հազարամյակներ առաջ իշխել է բավականին հարուստ Ուարի կայսրությունը: