Ոսկե Սբ Գրիգորը՝ թուրք կինոռեժիսորին. հայտնի են դարձել Մոսկվայի կինոփառատոնի հաղթողները

լուսանկարում՝ մրցանակակիր թուրք դերասանուհին

Այսօր երեկոյան եզրափակվել է Մոսկվայի 35-րդ միջազգային կինոփառատոնը, հայտնում է ИТАР-ТАСС-ը: Փակման արարողությանը հայտնի են դարձել լավագույնները:

Փառատոնի լավագույն ֆիլմ է ճանաչվել թուրք ռեժիսոր Էրդեմ Տեպեգեզի «Մասնիկ» ֆիլմը՝ դրամա գործազուրկ թրքուհու մասին, որը  վճռում է ծայրահեղ քայլերի դիմել. մրցանակը՝ Ոսկե Սբ Գրիգորը, նրան է հանձնել ժյուրիի նախագահ, իրանցի ռեժիսոր Մոհսեն Մախմալբաֆը:

Նույն ֆիլմի գլխավոր դերակատարուհին՝ թուրք դերասանուհի Ժալե Արիկանը, ճանաչվել է լավագույն դերասանուհի:

Լավագույն դերասանի մրցանակը ստացել է Ալեքսեյ Շևչենկովը «Հուդա» ֆիլմում իր դերակատարման համար:

Լավագույն վավերագրական ֆիլմ է ճանաչվել լեհ կինոռեժիսոր Պավել Լոզինսկու «Հայր ու որդին»: