Իտալացի ինքնուս նկարիչը մատներով ցնցող կտավներ է ստեղծում (լուսանկարներ)

Իտալացի նկարիչ Պաոլո Տրոիլոն ստեղծագործելու համար ընտրել է բավական յուրահատուկ տարբերակ. սովորական վրձնի փոխարեն նա օգտագործում է սեփական մատները, սակայն դա չի խանգարում իտալացուն գերիրական կտավներ ստեղծել։
 

Ինչպես նշում է Oddity Central-ը, առավել ուշագրավ է այն փաստը, որ տղամարդն իրականում չունի մասնագիտական կրթություն և ինքնուս նկարիչ է։ Նա սկսել է նկարչությամբ զբաղվել 4 տարեկանում։

Իսկ մատներով նկարելու գաղափարը նրա մոտ ի հայտ է եկել, երբ մի անգամ մոռացել է խանութից գնել հատուկ վրձիններ։ Այդ պահից ի վեր իտալացին սկսել է կիրառել մատներով նկարելու պրակտիկան՝ վերջնականապես հրաժեշտ տալով վրձիններին։