Սիրիայում ավիահարվածից վնասվել է ՅՈՒՆԵՍԿՕ-ի ցանկում գրանցված խաչակիրների ամրոցը

Սիրիական օդուժի հարվածի հետևանքով վնասվել է սիրիական Հոմս նահանգում գտնվող Կրակ դե Շեվալյեի ամրոցը։

Ինչպես տեղեկացնում է gazeta.ru-ն՝ ամրոցը գրանցված է ՅՈՒՆԵՍԿՕ-ի համաշխարհային մշակութային ժառանգության ցանկում։
 

Վնասվել է ամրոցի աշտարակը, որի վրա արկ է ընկել։

Մարդու իրավունքների հարցերով խորհուրդը հաստատել է ամրոցի վրա իրականացված հարձակման մասին լուրը և նշել, որ դրա ուղղությամբ երեք ավիահարված է իրականացվել։

Ամրոցը կառուցվել է 1142-1271 թթ.-ին և համարվում է խաչակիրների ամենալավ պահպանված ամրոցներից մեկը։

Ավելի վաղ ՅՈՒՆԵՍԿՕ-ն հայտարարել էր, որ ամրոցը վտանգի առջև է և բազմիցս հակամարտող կողմերին կոչ էր արել զերծ մնալ պատմական շինությունների մոտ մարտական գործողություններ իրականացնելուց։