Ասիայի խոշորագույն թանգարանը կկառուցվի արհեստական կղզու վրա (լուսանկարներ)

Սովորաբար,  թանգարանների նախագծմամբ ու կառուցմամբ զբաղվող ճարտարապետները փորձում են հնարավորինս շատ գործի դնել իրենց երևակայությունը, որպեսզի շինության արտաքին տեսքն իր յուրօրինակությամբ չզիջի ներսում ցուցադրված նմուշներին։

Ինչպես նշում է LuxPlanet-ը, պեկինյան MAD ճարտարապետական ստուդիան ներկայացրել է բավական ինքնատիպ մի նախագիծ, որով կկառուցվի Ասիայի խոշորագույն գեղարվեստական թանգարանը՝ Pingtan Art Museum-ը։  Դրա ընդհանուր մակերեսը կկազմի 4 հազար ք/մ և կկառուցվի այն արհեստական կղզու վրա։

Pingtan Art Museum-ն իրենից կներկայացնի 3 բլրանման բետոնե շինություն, որոնց միջև կգտնվի արհեստական օազիսը։ Թանգարանի ինտերյերը կարվի ֆուտուրիստիկ ոճով։

Շինարարական աշխատանքներն արդեն մեկնարկել են, սակայն դրանց ավարտի վերաբերյալ դեռևս հստակ տեղեկություն չկա։