Եղանակն՝ այսօր
Մերիլին-Ժակլին-Ջոն Քենեդի. ԱՄՆ-ի նախկին նախագահի ու նրա կանանց վերաբերյալ նոր գիրք է հրատարակվել
ԱՄՆ-ի նախկին առաջին տիկին Ժակլին Քենեդին իմացել է իր ամուսնու սիրուհիներից յուրաքանչյուրի անունն ու խելացի կնոջը բնորոշ հմտությամբ կարողացել է նրանց անաղմուկ «խաղից հանել» կամ էլ պարզապես անտեսել։ Սակայն նոր լույս տեսած գրքի համաձայն՝ Քենեդու սիրուհիների մեջ եղել է մեկը, ում Ժակլինը չէր կարող անտեսել՝ Մերիլին Մոնրոն։
Լուսանկարում՝ Մերիլին Մոնրոն ու Ջոն Քենեդին
Գրող Քրիստոֆեր Անդերսենն իր նոր «Այն անգին մի քանի օրերը» գրքում, որն անդրադարձել է նախագահական զույգի փոխհարաբերություններին, գրում է, որ Ժակլինին ամենից շատ հուզել է իր ամուսնու սիրավեպը դերասանուհի Մոնրոյի հետ, քանի որ վերջինս չափից ավելի թեթևամիտ է եղել և կարող էր ցանկացած պահի հրապարակայնորեն պատմել նախագահի հետ սիրավեպի մասին։
Ժակլինը հասկանում էր, որ դա իրական սկանդալ կառաջացներ, ինչը կհեղինակազրկեր ամուսնուն, կքանդեր իր ընտանիքն ու իրեն ծիծաղի առարկա կդարձներ հասարակության առաջ։ Հեղինակը նշում է, որ Մոնրոն իր հերթին վստահ է եղել, որ դառնալու է Քենեդու 2-րդ կինը, ուստի հաճախ էր տալիս իր ընկերներին հետևյալ հարցը. «Իսկ դուք ինձ առաջին տիկնոջ կարգավիճակում տեսնո՞ւմ եք»։
Բացի այդ, գրքում հիշատակվում է մի շատ տհաճ իրավիճակի մասին, երբ Մոնրոն զանգահարել է Սպիտակ տուն ու խոսել առաջին տիկնոջ հետ՝ ասելով, որ նրա ամուսնու հետ է։
Ըստ հեղինակի՝ Ժակլինը տվել է հետևյալ պատասխանը.«Մերիլին, հոյակապ կլինի, եթե ամուսնանաս Ջոնի հետ։ Դու կտեղափոխվես Սպիտակ տուն ու քեզ վրա կվերցնես առաջին տիկնոջ բոլոր պարտականությունները։ Իսկ ես կտեղափոխվեմ այստեղից, ու բոլոր խնդիրները քեզ կթողնեմ»։
Սակայն սկանդալային գրքում, բացի Ջոն-Ժակլին-Մոնրո սիրային բարդ եռանկյունուց, նշվում է ոչ պակաս սկանդալային փաստի մասին։ Անդերսենը պնդում է, որ նախագահի պաշտոնավարման 3 տարիների ընթացքում Քենեդին ու նրա կինն օգտվել են գերմանացի բժիշկ Մաքս Ջեյքոբսոնի ծառայություններից, ով պարբերաբար նրանց թմրանյութեր է ներարկել։
Studio One