Ինդոնեզացիները յուրովի են տոնում անկախության օրը՝ մագլցելով նվերներով լի ձողերի վրա (լուսանկարներ)

Հարյուրավոր ինդոնեզացի երիտասարդներ ջանք չեն խնայում՝ մագլցելու 10 մետր երկարություն ունեցող այս ձողերի վրա, որին ամրացված են տարբեր տեսակի իրեր:

Ինչպես ներկայացնում է Daily Mail–ը, Ինդոնեզիայում անկախության տոնակատարության ժամանակ հարթ մակերեսով ձողերն ուղղահայաց տեղադրելուց հետո այն պատում են յուղի հաստ շերտով և կավով, այնուհետև դրանց բարձր հատվածներում տարբեր իրեր են ամրացնում՝ հեռուստացույց, հեծանիվ, քաղցրավենիք և այլն: Նա, ով կարողանա հասնել մրցանակին, կտիրանա դրան:

Panjat pinang կոչվող այս ավանդույթը ինդոնեզացիները տոնում են օգոստոսի 17-ին՝ իրենց անկախության օրը: Ինդոնեզիան անկախություն է ձեռք բերել Նիդեռլանդներից՝ 1945թ.-ին: