Պուտինին կրծկալով պատկերած նկարիչն ապաստան է խնդրել Ֆրանսիայից

Ռուսաստանցի արվեստագետ Կոնստանտին Ալտունինը մեկնել է Ֆրանսիա ու ապաստան խնդրել այդ երկրից, հայտնում է France-Presse-ը:

45-ամյա Ալտունինն այդ քալին է դիմել, երբ ոստիկանությունն առգրավել է իր կտավներից մեկը, որում Ռուսաստանի նախագահն ու վարչապետը պատկերված են կանացի ներքնազգեստով:

Նկարիչն ասել է, որ հենց թանգարանից իր աշխատանքը տարած ոստիկանները դա բնութագրել են որպես ծայրահեղական, և նա վախենում է քրեական պատասխանատվության ենթարկվել:

Ինքը հեղինակը պատմել է, որ աշխատանքը ստեղծել է 2011-ին, երբ Պուտինը վերադարձել է Կրեմլ, իսկ բնորոշել է այն որպես «անմեղ հեգնանք»:

Այժմ նա Ֆրանսիայում հավաքում է ապաստան ստանալու համար անհրաժեշտ փաստաթղթերը: