Սերժ Սարգսյանը շնորհավորել Հայաստանի հրեական համայնքին՝ Ռոշ ա Շանայի առթիվ

ՀՀ նախագահ Սերժ Սարգսյանը շնորհավորական ուղերձ է հղել Հայաստանի հրեական համայնքին՝ Ռոշ ա Շանայի առթիվ, տեղեկացնում է նախագահի գրասենյակի մամուլի ծառայությունը։
Ուղերձում ասվում է.

«Հայաստանի հրեական համայնքի սիրելի՛ ներկայացուցիչներ,

Սրտանց շնորհավորում եմ ձեզ հրեական նոր տարվա՝ Ռոշ ա Շանայի կապակցությամբ:

Մեր երկու ժողովուրդների մշակութային, քաղաքակրթական և քաղաքական կապերն ունեն դարերի և հազարամյակների պատմություն: Մենք ուրախ ենք, որ դրանք ժամանակի ընթացքում հարստանում են, այդ թվում նաև Հայաստանում ապրող ու գործող հրեական համայնքի ջանքերով:

Մենք այսօր կիսում ենք ձեր ուրախությունը և մեր հրեա հայրենակիցներին մաղթում տոնական տրամադրություն, նորանոր հաջողություններ ինչպես համայնքային, այնպես էլ անձնական կյանքում»: