Սաուդյան Արաբիան առաջին անգամ կմրցի «Օսկարի» համար

Սաուդյան Արաբիան, որտեղ կինոթատրոններն արգելված են, մյուս տարի առաջին անգամ կմրցի «Օսկարի» համար ֆեմինիստական «Վադջդա» ֆիլմով, հաղորդում է Agence France-Presse-ը:

Հայֆաա ալ-Մանսուրի ֆիլմը պատմում է երիտասարդ աղջկա մասին, ով ցանկանում է հեծանիվ ունենալ ծայրահեղ պահպանողական մուսուլմանական երկրում, որտեղ կանայք զրկված են շատ իրավունքներից, այդ թվում՝ մեքենա վարելու։

«Վադջդան» կներկայացնի Սաուդյան Արաբիան «Օսկարում»՝ մրցելով «Լավագույն օտարալեզու ֆիլմ» անվանակարգում:
Ֆիլմն արդեն հաջողություն է ունեցել մի քանի միջազգային փառատոներում:

Սաուդյան Արաբիայի առաջին կին ռեժիսորի ֆիլմն արժանացել է Դուբայի կինոփառատոնի լավագույն արաբական գեղարվեստական ֆիլմ մրցանակին, իսկ մարտին՝ Կաննի մրցանակի: