Առնոլդ Շվարցենեգերը կխաղա զոմբիների մասին ֆիլմում

Սեպտեմբերի 23-ին սկսվել են «Մեգի» զոմբի-ֆիլմի նկարահանումները, որտեղ գլխավոր դերերից մեկը կատարում է Առնոլդ Շվարցենեգերը, հայտնում է Lenta.ru-ն՝ դերասանի Twitter-ի էջին հղումով:

Ֆիլմը պատմում է պատանի Մեգիի մասին, ով ֆիլմի ընթացքում աստիճանաբար վերածվում է զոմբիի: Մեգիի դերը կմարմնավորի 17-ամյա դերասանուհի Էբիգեյլ Բրեսլինը: Իսկ Առնոլդ Շվարցենեգերը կմարմնավորի գլխավոր հերոսուհու հոր դերը:

Տեղեկությունն այն մասին, թե երբ էկրաններին կհայտնվի «Մեգի» ֆիլմը, դեռևս չի հաղորդվում: