Պեկինում երբեմնի շքեղ առանձնատունը ուրվականների տուն է դարձել (լուսանկարներ)

Պեկինի կենտրոնում գտնվող  ֆրանսիական Բարոկո ոճով կառուցված եռահարկ շքեղ առանձնատունը տարօրինակորեն անտերության է մատնված: Ինչպես պատմում են Չինաստանի մայրաքաղաքի բնակիչները, մարդիկ անգամ վախենում են մոտ գալ այդ տանը՝ մեկնաբանելով, որ այնտեղ ուրվականներ կան, գրում է Oddity Central-ը:

Ըստ տեղի լեգենդի՝ այս շքեղ շինությունը կառուցվել է Քինգ կայսերական դինաստիայի կողմից: Այն նախատեսված է եղել որպես եկեղեցի Պեկինի բրիտանացի բնակիչների համար:

Սակայն 1949-ից հետո, երբ կոմունիստները ջախջախել են ազգայնականներին, վերջիններիս ղեկավարներից մեկը լքել է այդ տունը՝ այնտեղ թողնելով կնոջը, ով հարձակումից խուսափելու համար ինքն իրեն կախել է:

Այդ օրվանից հետո տեղի բնակչությունը կարծում է, որ կնոջ անհանգիստ ոգին թափառում է տան տարածքում: Պեկինի ամենաթանկարժեք թաղամասում կառուցված երբեմնի շքեղ առանձնատունը այժմ պատված է գրաֆիտիներով, որոնք խորհուրդ են տալիս ներս չմտնել: