Ինչպիսին է Մեծ հադրոնային կոլայդերը ներսից. Google Street View-ն հնարավորություն է տալիս ուսումնասիրել «լաբիրինթոսը»

Ամերիկյան Google տեխնոլոգիական ընկերության Street View ծառայության միջոցով այսուհետ հնարավոր է ուսումնասիրել աշխարհի ամենագաղտնի «լաբիրինթոսներից» մեկը՝ Մեծ հադրոնային կոլայդերը, որտեղ վերջերս ապացուցվել է «Աստծո մասնիկի» կամ Հիգսի բոզոնի գոյության փաստը։ 

Ինչպես նշում է Daily Mail-ը, Google-ը 2 շաբաթ է անցկացրել կոլայդերը ներսից նկարելու համար։ Արդյունքում մարդիկ կարող են տեսնել 7 հազար տոննայանոց հանրահայտ ATLAS-ը և մյուս հսկայական մեքենաները, որոնք տեղադրված են Միջուկային հետազոտությունների եվրոպական կազմակերպության (CERN) ժնևյան կենտրոնում։

CERN-ն աշխարհում մասնիկների ֆիզիկայի ամենամեծ լաբորատորիան է, որտեղ մոլորակի լավագույն ֆիզիկոսներն ու ինժեներները, օգտագործելով ամենաժամանակակից սարքերը, փորձում են պարզել, թե երբ և ինչպես է տիեզերքը ստեղծվել ու ինչ մասնիկներից է այն բաղկացած։

ATLAS. Հիգսի բոզոնը հայտնաբերվել է այս մեքենայում

ALICE

Այս մեքենան (LHCb) օգտագործվում է՝ պարզելու համար, թե ինչ է տեղի ունեցել Մեծ պայթյունից հետո

27 կմ երկարությամբ LHC թունել

ATLAS

Compact Muon Solenoid (CMS) ունի 25 մ բարձրություն, 15 մ տրամագիծ և կշռում է 12.5000 տոննա։ Մեքենան կառուցել է աշխարհի 42 երկրից 3800 մարդ։