Եղանակն՝ այսօր
Ջորջ Քլունին արժանացել է Ambassador for Humanity Award մրցանակի (լուսանկարներ)
Հոլիվուդյան դերասան Ջորջ Քլունին արժանացել է USC Shoah Foundation Institute-ի Ambassador for Humanity Award մրցանակին, գրում է buro247.ru-ն։
USC Shoah Foundation Institute-ը հիմնադրվել է ռեժիսոր Սթիվեն Սփիլբերգի կողմից 1994-ին, այն միջոցներով, որոնք ստացել է օսկարակիր «Շինդլերի ցուցակը» ֆիլմի համար։
«Շոա հիմնադրամի» գործունեությունն ուղղված է Ցեղասպանության, այդ թվում՝ Հոլոքոստի զոհերի հետ հարցազրույցները, փաստաթղթերը, գրավոր վկայությունները պահպանելուն։
Սփիլբերգի նախագահությամբ նախօրեին կայացել է ամենամյա գալա-ընթրիք, որը նվիրված է եղել բարերար և դերասան Ջորջ Քլունիին։ Այդ ժամանակ էլ դերասանն արժանացել է ինստիտուտի բարձրագույն պարգևին՝ մարդու իրավունքների և ազատությունների պաշտպանությանն ուղղված մշտական աշխատանքի, հատկապես՝ Դարֆուր շրջանում ցեղասպանությունը կանխելու և իրավիճակը լավացնելու ձգտումների համար։
Երեկոյի հատուկ հյուրն է եղել դերասանուհի Սանդրա Բալոքը, որը նախօրեին Քլունիի հետ ներկայացրել է Ալֆոնսո Կուարոնի «Ձգողականությունը» ֆիլմի նյույորքյան պրեմիերան։
Սթիվեն Սփիլբերգ և Ջորջ Քլունի
Սթիվեն Սփիլբերգ, Սանդրա Բալոք և Ջորջ Քլունի
Ջոն Ստյուարտ, Սանդրա Բալոք և Ջորջ Քլունի
Studio One