Տեղի կունենա երիտասարդ ստեղծագործողների աշխատանքների ցուցահանդես-մրցույթ

Հայաստանի երիտասարդական հիմնադրամը Երիտասարդության համաշխարհային և Ուսանողության միջազգային օրերին նվիրված միջոցառումների շրջանակներում նոյեմբերի 13-16-ը Հայաստանի նկարիչների միությունում կազմակերպում է երիտասարդ ստեղծագործողների աշխատանքների ցուցահանդես-մրցույթ, տեղեկացնում են հիմնադրամի մամուլի ծառայությունից։

Կներկայացվեն երիտասարդների գեղանկարները, գրաֆիկական գործերը, լուսանկարներն ու քանդակները։ Ժյուրիի կողմից ընտրված լավագույն աշխատանքները կստանան մրցանակներ։

Հայաստանի երիտասարդական հիմնադրամը հրավիրում է 18-35 տարեկան ստեղծագործողներին մասնակցել ցուցահանդես-մրցույթին։ Ցանկացողները մինչև նոյեմբերի 10-ն իրենց աշխատանքները կարող են բերել Հայաստանի երիտասարդական հիմնադրամի Տերյան 74 հասցեում գտնվող գրասենյակ։ Հեռ.՝ 010567922։ Ներկայացվելիք լուսանկարները պետք է բերվեն տպագրված (A3 կամ A4 չափի)։

Երիտասարդության համաշխարհային օրը նշվում է նոյեմբերի 10-ին, իսկ Ուսանողության միջազգային օրերը՝ նոյեմբերի 17-ին։ Հայաստանի երիտասարդական հիմնադրամը տոների առթիվ կազմակերպում է մի շարք միջոցառումներ։