Ռենե Մագրիտի կտավներից մեկն արվել է կորած համարվող գործի վրա. լրատվամիջոցներ

Բելգիացի ճանաչված սյուրռեալիստ նկարիչ Ռենե Մագրիտի «Դիմանկար» կտավը ռենտգենային ճառագայթների միջոցով ուսումնասիրելու արդյունքում մասնագետները դրա տակ երկար ժամանակ կորած համարվող «Հմայված դիրք» կտավն են հայտնաբերել։

Ինչպես հայտնում է Взгляд-ը, բացահայտումն արվել է Անտվերպենի համալսարանի հետազոտողների ու նրանց ամերիկացի գործընկերների կողմից։

Պարզվել է, որ ի սկզբանե կտավի վրա նկարված է եղել կնոջ գլուխ ու կրծքավանդակ, սակայն հեղինակը դժգոհ է մնացել արդյունքից ու դրա վրա նոր գործ է նկարել։

Մագրիտը հայտնի է իր սրամիտ ու միևնույն ժամանակ առեղծվածային կտավներով, որոնք հաճախ ռեբուսներ են հիշեցնում։