Եղանակն՝ այսօր
Կայացել է Նոր Հալեպի կառուցման նպատակով հայ նկարիչների նվիրաբերած նկարների ցուցահանդես-վաճառքը
Հայաստանի նկարիչների միությունում հոկտեմբերի 9-ին տեղի է ունեցել ՀՀ սփյուռքի նախարարության, Համաշխարհային հայկական կոնգրեսի, Ռուսաստանի հայերի միության և Հայաստանի նկարիչների միության համատեղ կազմակերպած մրցանակաբաշխությանը ներկայացված կերպարվեստի լավագույն ստեղծագործությունների ցուցահանդեսի բացումը, տեղեկացնում է Սփյուռքի նախարարությունը:
Միջոցառմանը ներկա են եղել ՀՀ սփյուռքի նախարար Հրանուշ Հակոբյանը, Համաշխարհային հայկական կոնգրեսի և Ռուսաստանի հայերի միության նախագահ Արա Աբրահամյանը, փոխնախագահներ Վլադիմիր Աղայանը և Արամ Սարգսյանը, Հայաստանի նկարիչների միության նախագահ Կարեն Աղամյանը:
Հրանուշ Հակոբյանը ողջունել է ցուցահանդեսին սփյուռքահայ նկարիչների մասնակցությունը: Արա Աբրահամյանը շնորհակալություն է հայտնել ՀՀ սփյուռքի նախարարությանը համահայկական մրցանակաբաշխությունների կազմակերպման գործում արդյունավետ համագործակցության համար:
Ցուցահանդեսին ներկայացված է շուրջ 300 ստեղծագործություն: Ցուցահանդեսի արդյունքների ամփոփման նպատակով ստեղծված հանձնաժողովը կորոշի լավագույններին: Սիրիահայերի համար Նոր Հալեպ թաղամասի կառուցման նպատակով հայ նկարիչների նվիրաբերած նկարների վաճառքից ստացված հասույթը կտրամադրվի այդ նպատակով ստեղծված ֆոնդին:
Ներկաները շրջել են ցուցասրահում, ծանոթացել նկարիչների ստեղծագործություններին:
Studio One