Չեբարկուլ լճից հանել են «Չելյաբինսկ» երկնաքարի ամենամեծ կտորը

«Չելյաբինսկ» երկնաքարի ամենամեծ կտորը, որը կշռում է 570 կիլոգրամ, բարձրացրել են Չեբարկուլ լճի հատակից, գրում է gazeta.ru-ն:

Խոշոր կտորը կոտրվել է առնվազն երեք մասի: Հստակ քաշը չափել հնարավոր չի եղել, քանի որ կշեռքը կոտրվել է:

ՌԴ Չելյաբինսկի պետական համալսարանի ամբիոնի դոցենտ Սերգեյ Զամոզդրան հաստատել է, որ այդ կտորը երկնաքար է:

Հիշեցնենք, որ երկնաքարը ՌԴ Չելյաբինսկի շրջանում էր ընկել այս տարվա փետրվարի 15-ին։