Աշխարհի 15 հնագույն «կորուսյալ» քաղաքները (լուսանկարներ)

Մոլորակի վրա բազմաթիվ հնագույն քաղաքներ կան, որոնց մասին քչերը գիտեն: Դրանք մեծ հետաքրքրություն են առաջացնում ինչպես պատմաբանների, այնպես էլ արտասովոր հայտնագործությունների սիրահարների համար: 

1. Թիկալ, Գվատեմալա

Մայա հնդկացիների խոշորագույն քաղաք-պետություններից մեկը, որը կառուցվել է մ.թ.ա. 7-րդ դարում, ունեցել է 200 հազար բնակիչներ: Բազմաթիվ պատերազմներից հետո մարդիկ լքել են քաղաքը, որից հետո Թիկալը դարձել է քաղաք-ուրվական:

2. Քթեսիֆոն, Իրաք

Քթեսիֆոնը 2-րդից մինչև 7-րդ դարերը եղել է Սասանյան կայսրության մայրաքաղաքը: Մեր օրեր հասած քարե կառույցների ավերակները դեռևս հիացնում են իրենց չափսերով և տեսքով:

3. Մեծ Զիմբաբվե

Մեծ Զիմբաբվե անվանում են հնագույն քաղաքի ավերակները, որոնք գտնվում են հարավաֆրիկյան պետության՝ Զիմբաբվեի տարածքում: Հնագետների գնահատումներով՝ այս քաղաքը կառուցվել է 1130 թվականին և երեք դարերի ընթացքում գլխավոր սրբավայր է եղել:

4. Մոհենջո-Դարո, Պակիստան

Հինդոս քաղաքակրթությանը պատկանող Մոհենջո-Դարո քաղաքը, որի անվանումը թարգմանաբար նշանակում է «Մեռյալների ժայռ», հայտնվել է Հինդոս գետի հովտում (ներկայիս Պակիստան) մ. թ. ա. 4500թ.: Քաղաքը ծաղկել է մի քանի հազարամյակ, որից հետո այն դատարկվել է, ինչի պատճառը, հնագետների կարծիքով, արիացիների ներխուժումն է:

5. Բագերհատ, Բանգլադեշ

Այս քաղաքը կառուցվել է Գանգա և Բրահմապուտրա գետերի միախառնման վայրում 15-րդ դարում: Ծաղկման շրջանում այստեղ գործել է 360 մզկիթ: Քաղաքը դարերի ընթացքում ամբողջովին պատվել է ջունգլիներով, որոնց մի մասն այժմ մաքրվել է, և այստեղ տուրեր են կազմակերպում զբոսաշրջիկների համար:

 

6. Մեսա-Վերդե ազգային պարկը, ԱՄՆ

 

Կոլորադո նահանգում գտնվող Մեսա-Վերդե ազգային պարկում գտնվում են հնագույն քաղաքների բազմաթիվ ավերակներ, որոնք կառուցել են անասազի ցեղի հնդկացիները 6-13-րդ դարերում: Ամենամեծ կառույցը «Ժայռ պալատն» է, որը տեսնելու համար ամեն տարի 700 հազար զբոսաշրջիկներ են այցելում:

 

7. Վիջայանագարա, Հնդկաստան

 

Վիջայանագարան եղել է երբեմնի հզորագույն կայսրության մայրաքաղաքը: Այժմ Հաղթանակի քաղաքի տեղում, ինչպես թարգմանվում է քաղաքի անվանումը, գտնվում է Համփի գյուղաքաղաքը:

8. Անի 

Հայաստանի Բագրատունյաց թագավորության հնագույն մայրաքաղաքը՝ Անին, որը գտնվում է ներկայիս Թուրքիայի տարածքում, ծաղկման ժամանակաշրջանում ունեցել է 100 հազար բնակիչ: Անին հայտնի է եղել իր բազմաթիվ եկեղեցիներով ու տաճարներով, ինչի պատճառով այն անվանել են «Հազար ու մեկ եկեղեցիների քաղաք»: 

 

9. Թեբե (Thebes), Եգիպտոս

 

Այս քաղաքում առաջին բնակիչները հայտնվել են մ.թ.ա. 3200-2000 թվականներին: Այստեղ բնակվել է 40000 մարդ, ինչի շնորհիվ այն ժամանակի ամենամեծ քաղաքն է համարվել աշխարհում: Այս տիտղոսը քաղաքը պահպանել է մինչև մ.թ.ա. 1000 թվականը:

 

10. Կարթագեն (ներկայիս Թունիսի տարածք)

 

Երկարամյա պատմության ընթացքում Կարփագենը տարբեր պետությունների մայրաքաղաք է եղել: Այն սկզբնապես եղել է Կարփագեն թագավորության մայրաքաղաքը, ապա հռոմեացիները այն ավերել են և նրա տեղում նոր երկիր կառուցել՝ այն դարձյալ դարձնելով մայրաքաղաք:

 

11. Պերսեպոլիս, Իրան

 

Պեսեպոլիսը հիմնադրվել է պարսից արքա Մեծն Կյուրոսի կողմից մ.թ.ա. 560 թվականին՝ դարերի ընթացքում պահպանելով մայրաքաղաքի կոչումը:

 

12. Պալենկե, Մեքսիկա

 

Պալենկե քաղաքը 2-8-րդ դարերում եղել է մայաների քաղաքական և մշակութային կենտրոններից մեկը: Մինչև մեր օրերը հասել են որոշ կառույցներ, ինչպիսիք են Արևի տաճարը և Խաչի տաճարը:

 

13. Պոմպեյ և Հերկուլանիում, Իտալիա

 

Իտալիայի այս երկու քաղաքները ավերվել են հրաբխային ժայթքումների հետևանքով: Դրանք անհետացած քաղաքներից շարքում ամենահայտնիներն են: Քաղաքներն ամբողջովին ավերվել են մ.թ.ա. 79 թվականին՝ Վեզուվ հարբուխի հզոր ժայթքումների հետևանքով:

 

14. Պետրա, Հորդանան

 

Հնագույն ժամանակներում Պետրա քաղաքը գտնվել է կարևորագույն առևտրային ճանապարհներին, որը քաղաքին անասելի հարստություն է բերել, սակայն ժամանակի ընթացքում հռոմեացիները յուրացրել են ջրային ճանապարհը, ինչը զգալիորեն թուլացրել է ցամաքային առևտուրը:

 

15. Մաչու-Պիչու, Պերու

 

Մաչու-Պիչու հնագույն քաղաքը 2007-ին ստացել է Աշխարհի նոր հրաշալիք կոչումը: Քաղաքը ի հայտ է եկել 1440 թվականին և գոյատևել է մինչև բոլոր բնակիչների խորհրդավոր և հանկարծակի անհետացումը 1532 թվականին: