Ժերար Դեպարդյոն նկարահանվում է Ադրբեջանում

Ֆրանսիական Leuviah Films ընկերությունը շարունակում է ՖԻՖԱ-ի 100-ամյակին նվիրված ֆիլմի նկարահանումներն Ադրբեջանում, հայտնում է Aze.az-ը:

Ֆիլմը գեղարվեստական է, դրանում հանդես են գալիս ֆրանսիացի և ամերիկացի անվանի դերասաններ Ժերար Դեպարդյոն և Թիմ Ռոթը: Վերջինս մարմնավորում է ՖԻՖԱ-ի նախագահ Զեպ Բլաթերին:

Դեպարդյոն հանդես է գալիս ՖԻՖԱ-ի երրորդ նախագահ Ժյուլ Ռիմեի դերում: Ֆիլմում զբաղված են բազմաթիվ արտասահմանցի դերասաններ:

Նկարահանումներ կանցկացվեն նաև Բրազիլիայում, Շվեյցարիայում, Ֆրանսիայում, Գերմանիայում:

Ադրբեջանում ֆիլմը նկարահանվում է Բաքվի մերձակա Սահիլ գյուղում:

Ֆիլմի պրեմիերան նախատեսված է 2014-ի ամռանը՝ Բրազիլիայում ֆուտբոլի աշխարհի առաջնության մեկնարկից առաջ: