Հնագետները հայտնաբերել են 4500 տարվա եգիպտական դամբարան (լուսանկարներ)

16:49 • 25.10.13

Հնագետները եգիպտական Գիզա քաղաքում իրականացրած պեղումների արդյունքում հայտնաբերել են 4500 տարվա պատմություն ունեցող դամբարան, որտեղ թաղված է եգիպտացի անվանի բժիշկ Շեփսեսկաֆ Անխը, գրում է Daily Mail-ը։

Վերծանելով դամբարանի դռներից մեկի վրայի գրվածքները՝ հայտնի է դարձել, որ բժշկին կոչել են «կախարդանքի քահանա», ով ժամանակին մեծ հեղինակություն է եղել հին Եգիպտոսում։

Երկրի իշխանությունները նշել են, որ այս հայտնագործությունը բավական կարևոր նշանակություն ունի, քանի որ այն բուրգերի դարաշրջանի լավագույն բժիշկներից մեկինն է, ով շատ մտերիմ է եղել փարավոնի հետ։

Դամբարանն ունի 21 մ երկարություն, 14մ լայնություն և 4 մ բարձրություն։

Հին եգիպտացի բժիշկները հիվանդներին բուժելու հարցում կիրառել են շատ մեթոդներ, որոնց մեծ մասը հիմնված է եղել կրոնի վրա։ Ուստի զարմանալի չէ, որ բժիշկներից շատերը քահանաներ են եղել։

Archaeologists at Abusir Archaeological Cemetery at Giza have unearthed the final resting place of Shepseskaf 'ankh