«Տարբեր ազգերի երգեր ու պարեր». փառատոն Երևանում (լուսանկարներ, տեսանյութ)

22:38 • 27.10.13

Հայաստանի Պետական Ֆիլհարմոնիայի «Առնո Բաբաջանյան» համերգասրահում այսօր տեղի ունեցավ «Տարբեր ազգերի երգեր ու պարեր» փառատոնը, որին մասնակցում էին մի շարք պարային խմբեր, մեներգիչներ: Փառատոնին մասնակցում էին նաև ազգային փոքրամասնությունների ներկայացուցիչներ:

Ներկայացվեցին ինչպես հայկական երգեր ու պարեր, այնպես էլ ռուսական, իսպանական, հրեական: Ուկրաինական պար ցուցադրեցին «Էդիտ» պարային ստուդիայի սաները, որոնք առաջին անգամ էին նման փառատոնի մասնակցում, թեև ելույթներ են ունեցել տարբեր համերգների ժամանակ:

«Խումբը ընդամենը 3 տարի է, որ կազմավորվել է: Ընդհանրապես խմբի անդամները շատ են, բայց այսօր մասնակցում են 14-ը: Ներկայանալու ենք նաև «Տիկնիկներ» պարով»,-ասաց պարուսույց Էդիտա Կարապետյանը և վստահեցրեց, որ խումբը դեռ շատ հաջողություններ կունենա: