Մահացել է Velvet Underground խմբի երաժիշտ Լու Րիդը

09:12 • 28.10.13

Յոթանասունմեկ տարեկանում մահացել է ամերիկացի երգիչ, կիթառահար և երգահան Լու Րիդը, հաղորդում է BBC-ն:

Րիդը, ում երաժշտական կարիերան տևել է գրեթե հինգ տասնամյակ, մեծ ազդեցություն է ունեցել ռոք երաժշտության զարգացման վրա:

Երգիչը ծնվել է Նյու Յորքում, հրեաների ընտանիքում և եղել է այլընտրանքային ռոքի հիմնադիրներից մեկը դարձած The Velvet Underground խմբի ստեղծողներից:

Խմբի ցրվելուց հետո Լու Րիդը մի քանի հիթ է թողարկել, այդ թվում՝ Perfect Day և Walk on The Wild Side:

Մահվան պատճառների մասին դեռ չի հաղորդվում: Այս տարվա մայիսին Րիդը լյարդի փոխպատվաստման վիրահատություն էր տարել:

Կիսվել այս նյութով

Placeholder

Օրվա կարեվոր