Կլեոպատրայի 6 ամենավառ մարմնավորումները՝ լուսանկարներով

Մեր թվարկությունից առաջ առաջին դարում ապրած ամենանշանավոր կնոջ՝ Կլեոպատրայի մասին, ով հանրահայտ դարձավ հռոմեացի գեներալի հանդեպ իր մեծ սիրո շնորհիվ, բազմաթիվ վեպեր են գրվել, որոնք հետագայում նաև էկրանավորվել են:


Նրան նվիրված առաջին «Կլեոպատրա» համր կինոն նկարահանվել է 1899-ին, որին հետևել են մյուս հայտնի էկրանավորումները, գրում է Bigpicture.ru-ն և ներկայացնում Կլեոպատրայի կերպարի լավագույն մարմնավորումները՝ աշխարհահռչակ դերասանների կատարմամբ:

1. Քլոդեթ Քոլբեր

Ամերիկացի ռեժիսոր Սեսիլ Դեմիլը «Կլեոպատրա» ֆիլմը նկարահանել է 1934-ին, որը առաջադրվել է 5 Օսկարի և հաղթել է մեկը՝ «լավագույն օպերատորական աշխատանք» անվանակարգում: Այս ֆիլմում հանրահայտ եգիպտուհու դերը պարմնավորել է ֆրանսիացի Քլոդեթ Քոլբերը:

2. Վիվիեն Լի

Վիվիեն Լին մարմնավորել է գլխավոր դերը Գաբրիել Պասկալի «Կեսարն ու Կլեոպատրան» բրիտանական ֆիլմում, որը նկարահանվել 1945-ին: Այն Բերնարդ Շոուի պիեսներից վերջինի էկրանավորումն էր նրա կենդանության օրոք:

3. Սոֆի Լորեն

Իտալացի ռեժիսոր Մարիո Մատոլիի ֆիլմը էկրանավորվել է 1954-ին: «Երկու գիշեր Կլեոպատրայի հետ» ֆիլմում նրա դերը մարմնավորել է անզուգական Սոֆի Լորենը: Նախապես այդ դերը վստահված էր Ջինա Լոլոբրիջիդային, սակայն վերջին պահին նա հրաժարվել է նկարահանվել, և Կլեոպատրային մարմնավորել է Լորենը:

4. Էլիզաբեթ Թեյլոր

1963-ին նկարահանված «Կլեոպատրա» ֆիլմը՝ Էլիզաբեթ Թեյլորի և Ռիչարդ Բուրթոնի մասնակցությամբ, նվաճել է 4 Օսկար: Թեյլորի 65 զգեստների բյուջեն՝ ներառյալ ոսկյա սփռոցից կարված զգեստը, կազմել է ռեկորդային 194 800 դոլար, որը մեկ դերասանի զգեստների վրա երբևէ ծախսված ամենախոշոր գումարն է:

5. Մոնիկա Բելուչի

Գեղեցկուհի Մոնիկա Բելուչին Կլեոպատրայի դերը մարմնավորել է «Աստերիքսը և Օբելիքսը. Առաքելություն Կլեոպատրա» ֆրանսիական կատակերգության մեջ 2002-ին: Էկրաններին հայտնվելուց հետո այս ֆիլմը դարձավ ամենաթանկարժեք ֆրանսիական ֆիլմը և արժանացավ ազգային մրցանակի՝ «զգեստների լավագույն դիզայնի» համար:

6. Անջելինա Ջոլի

Կլեոպատրայի վերջին նորագույն էկրանավորման մեջ նրա դերը մարմնավորելու է Անջելինա Ջոլին: Նրա մասնակցությամբ ֆիլմի նկարահանումները պետք է սկսվեին 2010-ին, սակայն դեռևս միայն հայտնի է, որ միայն 2013-ին է հայտնի դարձել այն ռեժիսորը, ով համաձայնել է նկարահանել ֆիլմը: