Կանայք վստահության պակաս ունեն աշխատավարձի բարձրացում խնդրելու հարցում

Հարցումները ցույց են տվել, որ կանանց գերակշիռ մեծամասնությունը վստահության պակաս ունի և չի խնդրում պաշտոնի բարձրացում կամ աշխատավարձի բարձրացում, չնայած նրանց մեկ երրորդից ավելին հավատում է, որ պետք է ավելի բարձր պաշտոն զբաղեցնի, գրում է The Sunday Times-ը:

The Sunday Times-ի անցկացրած հարցումների արդյունքում պարզվել է, որ կանանց 82 տոկոսը տղամարդկանց 73 տոկոսի դեպքում երբեք իրենց գործատուին չի խնդրել առաջխաղացման մասին, իսկ 76 տոկոսը տղամարդկանց 66 տոկոսի դեպքում երբեք իր գործատուի մոտ չի բարձրացրել ավելի բարձր աշխատավարձի հարցը:

Հարցումների արդյունքները ցույց են տվել, որ մասնակից տղամարդկանց 14 տոկոսը խնդրել է բարձրացնել իրենց աշխատավարձը ներկայիս աշխատավայրում, ինչը գրեթե երկու անգամ ավելի բարձր ցուցանիշ է կանանց 8 տոկոսի համեմատ:

Նրանցից, ովքեր խոստովանել են, որ կարծում են՝ արժանի են հետագա առաջխաղացման կամ բարձր վարձատրության, կանանց 54 տոկոսն ասել է, որ ապագայում նույնպես չեն կարողանա ասել դրա մասին իրենց գործատուին, մինչդեռ տղամարդկանց մոտ այդ թիվը 38 տոկոս է կազմել: