Թութանհամոնի դամբարանի կողքին կտեղադրվի դրա կրկնօրինակը

Թութանհամոնի դամբարանի կրկնօրինակը կբացվի նոյեմբերին՝ իրական դամբարանի կողքին, գրում է gazeta.ru-ն՝ Daily Mail-ի հղումով։

Այդ կերպ, նշում է պարբերականը, Եգիպտոս ժամանող զբոսաշրջիկները երկընտրանքի առաջ կկանգնեն. վճարե՞լ, որպեսզի տեսնեն իրական դամբարանը, թե՞ աջակցել դրա պահպանմանը՝ այցելելով կրկնօրինակը։

Եգիպտոսի հնությունների հարցերով բարձրագույն խորհուրդը 2009թ.-ին պատվիրել էր Թութանհամոնի և այլ դամբարանների կրկնօրինակները, որպեսզի փրկեն դրանք զբոսաշրջիկների կողմից տեսարժան վայրին անուղղելի վնաս հասցնելուց։

Հնարավոր է, որ մոտ ապագայում այդ դամբարանների մուտքն ամբողջությամբ փակվի։