Դևիդ Բեքհեմը գիրք է թողարկել

Նախկին ֆուտբոլիստ Դևիդ Բեքհեմը ներկայացրել է իր գիրքը, գրում է buro247.ru-ն։

Մինչ մամուլը քննարկում է Բեքհեմին մարզական արժանիքների և ակտիվ բարեգործական գործունեության համար ասպետի կոչում շնորհելու հավանականությունը, ֆուտբոլիստը թողարկել է իր սեփական գիրքը։

Գիրքը նվիրված է նրա մարզական կարիերայի ավարտին՝ 20 տարի խաղալուց հետո։ Հայտնի է, որ գրքում լուսանկարներ կան ֆուտբոլիստի անձնական արխիվից։

Բեքհեմն առաջին բրիտանացի ֆուտբոլիստն է, ով մասնակցել է 100 հանդիպումների ՈՒԵՖԱ-ի Չեմպիոնների լիգայում։ Նա եղել է Անգլիայի հավաքականի կապիտանը 2000թ. նոյեմբերի 15-ից մինչ 2006թ. աշխարհի առաջնության ավարտը։

Amazon կայքում գիրքն արժե 25 դոլար։