Բրազիլիայում 10 հազար տարվա ժայռապատկերներ են հայտնաբերվել (լուսանկարներ)

18:15 • 12.11.13

Բրազիլացի գիտնականները երկրի տարածքում հայտնաբերել են 10 հազար տարվա պատմություն ունեցող ժայռապատկերներ, որոնցում, ըստ մասնագետների, պատկերված են խոզեր, թռչուններ, ինչպես նաև երկրաչափական մարմիններ։

Ինչպես նշում է Daily Mail-ը, դրանք գտնվում են Սերադո արևադարձային սավաննայում, որը զբաղեցնում է Բրազիլիայի հողատարածքի 21%-ը։

Գիտնականներից մեկը՝ Ալեքսին Քյորողլյանը, կարծում է, որ ժայռապատկերներն արվել են այս քարանձավներում բնակվող որսորդների կողմից։

Սերադո սավաննայում է բնակվում վերացման վտանգի տակ գտնվող 60 կենդանատեսակ, իսկ դրա բույսերի 44%-ն էլ հնարավոր չէ հանդիպել աշխարհի որևէ այլ անկյունում։

This is a drawing of a human-like figure and symbols