Գերիրական նկարչության հերթական գլուխգործոցները (լուսանկարներ)

15:55 • 12.11.13

Շոտլանդացի տաղանդավոր նկարիչ Փոլ Կադենն իր յուրահատուկ աշխատանքների շնորհիվ համարվում է գերիրական նկարչության լավագույն վարպետներից մեկը, ով ստեղծագործում է միայն մատիտով ու ջրաներկով, սակայն կարողանում է լուսանկարի էֆեկտով նկարներ ստանալ։

Ինչպես նշում է Daily Mail-ը, 49-ամյա շոտլանդացին նախքան որևէ կտավ նկարելը նախևառաջ ուսումնասիրում է դրա լուսանկարը, ինչից հետո միայն կարողանում է դրա ճշգրիտ կրկնօրինակը ստեղծել։

Ի դեպ, այդ լուսանկարներն արվել են աշխարհի ամենատարբեր անկյուններում՝ նկարչի կողմից։ Օրինակ՝ լուսանկարներից մեկում կարելի է տեսնել Բարսելոնայում կողք կողքի նստած տարեց զույգի, Հոնկոնգի փողոցներից մեկով անցնող անձրևանոցով տղամարդու, ինչպես նաև ցնցող դիմանկարներ, որոնք ապշեցնում են իրենց ճշգրտությամբ։

Նկարիչը կատարյալ արդյունքի հասնելու համար ուշադրություն է դարձնում ամենաչնչին մանրուքներին։ Ուստի զարմանալի չէ, որ աշխատանքներից յուրաքանչյուրն ավարտին հասցնելու համար միջինը պահանջվում է 3 ամիս։

Stunning: This spectacular drawing, created by Scottish artist Paul Cadden, depicts a man walking with an umbrella in Hong Kong

Emotive: The 49-year-old travelled around the world taking thousands of photographs of everyday situations, such as this elderly couple sitting on a step in Barcelona