Օրական 40 հատ ծխախոտ ծխող 5-ամյա ինդոնեզացին վերջ է տվել վնասակար սովորությանն ու այլ կախվածություն ձեռք բերել (լուսանկարներ)
Որոշ ժամանակ առաջ միջազգային լրատվամիջոցներն անդրադարձել էին 5-ամյա ինդոնեզացի Ալդի Ռիզալին, ով օրական 40 հատ ծխախոտ էր ծխում։ Սակայն այժմ տղան կրկին հայտնվել է ուշադրության կենտրոնում. նա վերջ է տվել վնասակար սովորությանը, բայց հիմա էլ կախվածություն է ձեռք բերել սննդից։

Ինչպես հայտնում է Daily Mail-ը, Սումատրա կղզու աղքատ գյուղերից մեկում բնակվող տղան դադարել է ծխել միայն իշխանությունների միջամտության և հատուկ մշակված ծրագրի շնորհիվ։

Մայրաքաղաք Ջակարտայում համապատասխան բուժում ստանալուց հետո տղան այլևս չի ծխում, սակայն ձեռբ է բերել իր առողջության համար վնասակար մեկ այլ սովորություն։ Նա սկսել է չափից շատ սնվել ու կախվածություն ունի ուտելիքից։

Բժիշկները նշում են, որ տղայի հասակն ու քաշը չեն համապատասխանում՝ 17 կգ-ի փոխարեն նա կշռում է 24 կգ։

Ըստ վիճակագրական տվյալների՝ Ինդոնեզիայում երեխաների 1/3-րդը մինչև 10 տարեկանը սկսում է ծխել։













