Կանադայի հյուսիսային ջրերում հազվագյուտ երկարաքիթ ձուկ են որսացել՝ պատմության մեջ երկրորդ անգամ (լուսանկարներ, տեսանյութ)

Կանադայի հյուսիային ափերին չափազանց տարօրինակ տեսք ունեցող ձուկ են որսացել, մինչ շատերը կփորձեին հասկանալ, թե ինչ տեսակի է այն պատկանում, հետազոտողներն այն դասել են հազվագյուտ երկարաքիթ քիմերայի շարքին:

Ինչպես հայտնում է Daily Mail-ը՝ արտառոց ծովային կենդանին չաձազանց երկար քիթ, սարսափեցնող բերան ունի, ինչպես նաև թունավոր ողնաշար՝ իր դոնդողանման մոխրագույն մարմնի վրա:

Հետազոտող գիտնականները, ովքեր նախապես կարծում էին, որ հայտնաբերված կենդանին ավելի շուտ կարող է «գոբլին» տեսակի շնաձուկ լինել, այնուամենայնիվ կարծիք են հայտնել, որ այն երկարաքիթ քիմերան է, որը բնակվում է շուրջ 1000-1200 մետր խորություններում, որտեղ մարդիկ չեն այցելում:

Ինչպես քիմերայի բոլոր ներկայացուցիչները, երկարաքիթ ձկները ևս համարվում են շնաձկների ցեղակիցներ: Երկարաքիթ քիմերան մտրականման պոչ ունի, իսկ երկարությունը կարող է հասնել մոտ մեկ մետրի: