General Motors-ը Չինաստանից ետ է կանչում 1.46 մլն մեքենա

General Motors (GM) ընկերությունը և նրա գործընկեր ընկերությունը  Չինաստանից ետ են կանչում մոտ 1.46 մլն ավտոմեքենա՝ անվտանգության նկատառումներից ելնելով, գրում է vestifinance.ru-ն։

Նման տեսակի ամենախոշոր գործողության շրջանակում Չինաստանում GM և Shanghai General Motors ընկերությունները ետ են կանչում իրենց Buick և Chevrolet մոդելները։

Համաձայն չինական գերատեսչության, որը պատասխանատու է որակի համար, տվյալ մեքենաները հավանաբար խնդիրներ ունեն վառելիքի պոմպի հետ։

Միևնույն ժամանակ Ford ընկերությունը պետք է ետ կանչի Kuga մոդելի մինչև 81 հազ. մեքենա։ Ford-ը և նրա գործընկերը՝ Chongqing Changan Automobile-ն, մեքենաները ետ են կանչում ղեկի հետ կապված խնդիրների պատճառով։