Շնորհավոր Ամանոր և Սուրբ Ծնունդ. Tert.am

23:00 • 31.12.13

Սիրելի՛ ընթերցող,

 

Ահա եկավ 2014 թվականը: Ձեզ հետ միասին անցյալում ենք թողնում իրադարձություններով հարուստ ևս մեկ տարի: Tert.am-ի անձնակազմը շնորհավորում է ձեր և համայն հայության Ամանորն ու Սուրբ Ծնունդը:

 

Շնորհակալ ենք Ձեզ՝ մեկնաբանությունների, կառուցողական դիտողությունների, քննադատության, աջակցության և նաև գովեստի խոսքերի համար, որոնք մեզ համար շատ կարևոր և պարտավորեցնող են:

 

2014 թվականին ևս Tert.am-ը հավատարիմ կմնա իր գործելաոճին՝ առանց խտրականության ուղղակիորեն ներկայացնելով քաղաքական, քաղաքացիական, մշակութային, հասարակական և այլ ոլորտներում գործող բոլոր խմբերի, նախաձեռնությունների և անհատների գործունեությունը, կարծիքները և մոտեցումները հանրությանը հուզող հարցերի և երևույթների շուրջ՝ մեկնաբանությունները թողնելով ընթերցողին:

 

Թող 2014 թվականի ընթացքում մեր լրահոսում գերիշխեն ուրախ, դրական լիցքեր հաղորդող տեղեկությունները, և գալիք տարին իրապես նոր էջ դառնա Հայաստանի Հանրապետության նորագույն պատմության մեջ:

 

Շնորհավոր Ամանոր և Սուրբ Ծնունդ: