Մեծ Բրիտանիայի թագուհին թոռանը խնդրել է սափրվել
Մեծ Բրիտանիայի թագուհի Էլիզաբեթ Երկրորդն իր թոռանը` արքայազն Հարիին, խնդրել է սափրել մորուքը, որը նա պահել էր Հարավային բևեռ կատարած իր գիտարշավի ընթացքում: Այս մասին հայտնում է Express-ը` վկայակոչելով թագավորական պալատում ունեցած իր աղբյուրը:
Թագուհին ասել է, որ տանել չի կարողանում դեմքի մազերը և հույս ունի, որ Հարին հնարավորինս շուտ կսափրի իրենը:
Հայտնի է սակայն, որ արքայազնի նոր իմիջը հավանում են նրա եղբայր Ուիլիամն ու նրա կինը` դքսուհի Քեյթը:
Ինքը` Հարին, հայտարարել է, որ մորուքը թագավորական ավանդույթ է:
Աղբյուրը մանրամասնել է, որ Հարին չի սիրում նեղացնել տատիկին, ուստի շուտով կսափրվի: Բացի այդ` պալատում սպասարկող անձնակազմի համար չգրված օրենք կա, համաձայն որի բոլորը պետք է կոկիկ սափրված լինեն: Եթե թագավորական ընտանիքի անդամը մորուք պահի, այդ օրենքը դժվար կլինի պահպանել:










