Գիտնականները բացատրել են, թե Թութանհամոն փարավոնն ինչու է մումիֆիկացվել էրեկցիայի վիճակում (լուսանկարներ)

20:10 • 06.01.14

Հին Եգիպտոսի փարավոն Թութանհամոնը մումիֆիկացվել է էրեկցիայի վիճակում, առանց սրտի և սև յուղերով պատված: Կահիրեի Ամերիկյան համալսարանի հետազոտությունը բացատրել է, թե ինչու է այդպես արվել:
The Independent-ի փոխանցմամբ` այդ կերպ ցանկացել են նրան նմանություն հաղորդել հին եգիպտական գլխավոր Աստծուն` Օսիրիսին:

Ըստ այդմ` 90 աստիճանի տակ բարձրացված սեռական օրգանով մումիֆիկացված Թութանհամոնը պետք է օգներ ճնշել կրոնական հեղափոխությունը, որն սկսել էր նրա հայրը: Վերջինս փորձում էր միաստվածություն հաստատել երկրում:
Հայտնի է, որ իր 9-ամյա կառավարման ընթացքում երիտասարդ Թութանհամոնը պայքարել է իր հոր` հին աստվածներին ասպարեզից հանելու քաղաքականության դեմ:

Թութանհամոնի բարձրացված սեռական օրգանը կոտրվել է պեղումների ժամանակ, հետագայում շահարկումներ են եղել, թե դա գողացվել է:

Ամերիկյան համալսարանի գիտնականներն ասել են, որ նախկինում թերևս ոչ մի մումիա այդ կերպ չի հուղարկավորվել:

Առաջինը Թութանհամոնին Օսիրիս Աստծուն նմանեցրել է դամբարանը հայտնաբերած բրիտանացի Հաուարդ Քարթերը:

Օսիրիսը ասոցացվել է մուգ գույնի հետ, ինչն իր հերթին կապված է եղել Եգիպտոսի` ջրհեղեղներից մգացած հողերի ընկալման հետ: Այդ պատճառով էլ Թութանհամոնի մարմինն ու սարկոֆագը պատվել են սև յուղերով: Նրա սիրտը հանվել է, քանի որ ըստ ավանդույթի` Օսիրիսի եղբայր Սեթը մասնատել է նրան և առանձին թաղել սիրտը: Իսկ էրեկցիայի հանգամանքը կապվել է Օսիրիսի այն ընկալման հետ, որ նա Եգիպտոսի արգասաբեր և վերարտադրություն ապահովող հողերի տիրակալն է:

English Egyptologist Howard Carter supervising carpenters preparing to re-seal Tutankhamun's tomb.

Mr Callender, assistant to Howard Carter at the entrance to the tomb of Egyptian pharaoh Tutankhamun

The Viscera Coffin of Tutankhamun

The interior of Tutankhamen's tomb depicting the god Osiris

Medical imagery of Tutankhamun shown above a replica of King Tut's skull

Members of the team that discovered the tomb of Pharaoh Tutankhamun pose before the entrance to the tomb, Valley of the Kings, Thebes, Egypt, 1922.

British archaeologists Howard Carter (left) and Arthur Callender carry out the systematic removal of objects from the antechamber of the tomb of Pharaoh Tutankhamun, with the assistance of an Egyptian laborer in 1923.