Կալիֆոռնիական թերակղզու հարավում մոխրագույն կետի սիամական երկվորյակ է հայտնաբերվել (լուսանկարներ)

Կալիֆոռնիական թերակղզու հարավում՝ Օխո դե Լիեբրե ծովածոցում, մոխրագույն կետի սիամական երկվորյակ է հայտնաբերվել։ Սատկած կետերին գտել են Guerrero Negro Verde տեղական բնապահպանական կազմակերպության աշխատակիցները, հայտնում է lenta.ru-ն։

Կետերի լուսանկարները հայտնվել են բնապահպանների Facebook-յան էջում։

Սիամական երկվորյակների երկարությունն ավելի քան 2 մետր է։ Եվ քանի որ սովորաբար մոխրագույն կետերի ձագերը լույս աշխարհ են գալիս 3.5-5 մետր երկարությամբ, ապա գիտնականները կարծում են, որ երկվորյակները թերհաս են ծնվել։ Թե որն է եղել նրանց սատկելու պատճառը, չի նշվում։

Սիամական երկվորյակներ հանդիպել են կետերի այլ տեսակների մոտ, սակայն Eschrichtius robustus մոխրագույն կալիֆոռնիական կետերի շրջանում սա առաջին դեպքն է։