Ford F-150-ն ավելի թեթև կլինի ալյումինային կառուցվածքի շնորհիվ

Ford ընկերության 2015 F-150 նոր մոդելն ավելի շատ ալյումինի և գերամուր պողպատի կիրառման շնորհիվ 318 կգ-ով ավելի թեթև կլինի, քանի իր նախորդ տարբերակները:

Ինչպես ներկայացնում է The Atlantic-ը՝ Ford 150-ը ամերիկյան մեքենաշինական հսկայի ամենաշատ վաճառվող բեռնատարն է և ամենաշատ վաճառվող մեքենան Ամերիկայում:

Ամերիկյան ընկերությունն իրականացնում է իր «թեթևացման» ծրագիրը՝ բեռնատարի շրջանակների պողպատը փոխարինելով առավել ամուր պողպատով, իսկ մեքենայի մնացած մասում պողպատը փոխարինելով ալյումինով:

Նորագույն Ford 150-ը ներկայանալու է ալյումինային տեսքով, որն ավելի թեթև է, քան պողպատը: