Թաիլանդական ընկերությունը մոտոցիկլետի անիվները վերածել է LED էկրանների (լուսանկարներ)

Թաիլանդական World Moto ընկերությունը մոտոցիկլետների համար ստեղծել է գերնորաոճ աքսեսուար, որը հնարավորություն է տալիս փոխադրամիջոցի առջևի անիվը վերածել գունավոր LED էկրանի։

Ինչպես նշում է Oddity Central-ը, հաճախորդի ցանկությամբ դրա վրա կարող են հայտնվել շարժապատկերներ, տեսանյութեր, անիմացիոն նյութեր կամ էլ տեքստային գրություն։

Նոր տեխնոլոգիայի կիրառումն առավել գեղեցիկ է նայվում հատկապես այն ժամանակ, երբ մոտոցիկլետն ընթացքի մեջ է։
Ստեղծողների կարծիքով՝ Wheelies սարքը յուրահատուկ է դարձնում փոխադրամիջոցը՝ դրան տալով ուրույն տեսք։

Մասնագետները նշել են, որ դեռևս չեն կողմնորոշվել սարքի գնի հարցում, սակայն ընդգծել են, որ այն կախված կլինի պատվիրատուի մոտոցիկլետի անվի մեծությունից։