Եղանակն՝ այսօր
Երևանի գեղարվեստի ակադեմիան այսօրվանից կհամակարգի «Տեմպուս»-ի «Կառավարման ծրագիրը»
Երևանի գեղարվեստի ակադեմիան այսօրվանից կհամակարգի «Տեմպուս» միջազգային կրթական կազմակերպության «Կառավարման ծրագիրը»:
Այսօր տրվել է եռամյա ծրագրի մեկնարկը, ներկայացվել են բուհի կառավարման մոտեցումները:
«Երեք տարին բավականին «թեժ» կանցնի, և մենք կունենանք լավ պատրաստված կազմ, որն արդեն մեծ խնդիրներ կլուծի, և բավականին արագ առաջ կգնանք»,- Tert.am-ի հետ զրույցում հույս հայտնեց «Տեմպուս» ծրագրի ազգային գրասենյակի համակարգող Լանա Կարլովան:
Գեղարվեստի ակադեմիայի ռեկտոր Արամ Իսաբեկյանի խոսքով` տվյալ ծրագրի համապատասխան ֆոնդի կառավարումը պատասխանատվություն է, և բուհին երկար աշխատանք է սպասվում` եվրոպական կրթական համակարգին ինտեգրվելու առումով:
Գեղարվեստի ակադեմիան կփորձի ներդնել Եվրոպական բուհերի կառավարման ընդհանուր փորձը:
«Այս բոլոր գործընթացները հօգուտ մեր բուհական համակարգի են և, իհարկե, նաև՝ հօգուտ մեր ուսանողների, դասախոսների, քանի որ դրանք ենթադրում են նաև ուսանողների և դասախոսների փոխանակումներ: Այս ամենն իրենց հերթին ուսումնական գործընթացի որակի բարձրացման խթան են»,-ասաց Արամ Իսաբեկյանը:
Studio One