Facebook-ը սեփական լրատվական հավելվածը կթողարկի

Facebook սոցիալական ցանցը բջջային հեռախոսների համար լրատվական հավելված կթողարկի: Paper անվանումով նախագիծը կարող է հայտնվել արդեն մինչև հունվարի վերջ, գրում է lenta.ru-ն՝ հղում անելով Recode-ին, որն էլ իր հերթին վկայակոչել է անանուն աղբյուրների:

Ծրագիրը նման կլինի տարբեր աղբյուրներից լուրեր ընթերցելու համար ստեղծված Flipboard հավելվածի սխեմային: Paper-ը կհավաքի հետաքրքիր և կարևոր նորություններ՝ ինչպես ԶԼՄ-ներից, այնպես էլ Facebook-ի օգտատերերի հրապարակումներից:

Paper-ը կլինի կամ բջջային ծրագրային հավելում, կամ Facebook-ից առանձին ինքնուրույն կայք՝ հարմարեցված բջջային սարքավորումներով ընթերցանության համար:

Facebook-ում հրաժարվել են մեկնաբանել Paper ծրագրի թողարկման մասին տեղեկությունը: