Ավտովթար Իսակովի պողոտայում, վարորդը արգելափակվել էր ավտոմեքենայում
Արտակարգ իրավիճակների նախարարություն այսօր՝ ժամը 03.26-ին, ահազանգ է ստացվել, որ Երևանի Ծովակալ Իսակովի պողոտայում՝ Ոստիկանության ակադեմիայի մոտակայքում, տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Ըստ ԱԻՆ կայքի՝ պարզվել է, որ «Մերսեդես» մակնիշի 34 ԼՏ 692 պետհամարանիշով ավտոմեքենան (վարորդ Մ. Վ.-ը, ծնվ.1985թ.) բախվել է ծառին, ինչից Մ.Վ.-ը արգելափակվել է խցիկում:
Հրշեջ-փրկարարները արգելափակումից դուրս են բերել Մ.Վ.–ին, ում հոսպիտալացրել են Մալաթիա բժշկական կենտրոն:
Բժիշկները տուժածի առողջական վիճակը գնահատում են բավարար:










