ՆԱՍԱ-ն կկառուցի պատմության մեջ ամենամեծ հրթիռը՝ մարդուն Մարս հասցնելու համար (լուսանկարներ, տեսանյութ)

ԱՄՆ-ի ազգային օդատիեզերական գործակալությունը՝ ՆԱՍԱ-ն, պատրաստվում է կառուցել պատմության մեջ խոշորագույն հրթիռը, որն ունակ կլինի ուղեծիր դուրս բերել 130 տոննայից ավելի բեռ։

Ինչպես նշում է Daily Mail-ը, ՆԱՍԱ-ն տեղեկացրել է, որ SLS հրթիռը սկզբում կօգտագործվի տիեզերագնացներին Միջազգային տիեզերակայան տեղափոխելու, իսկ հետագայում՝ Մարս հասցնելու համար։

Գործակալության ներկայացուցիչները նշել են, որ ներկայում կառուցվող SLS-ը կլինի աշխարհի ամենահզոր հրթիռը, որի առաջին արձակումը կիրականացվի 2017թ.։ Հրթիռը կկառուցվի 2 տարբերակով՝ մեծ և փոքր։