Ընկնելու հետևանքով ավելի շատ մարդ է մահանում, քան՝ հանցագործությունների
Նյու Յորքի ոստիկանությունը տեղեկացրել է, որ ընկնելուց ավելի շատ մարդ է մահանում, քան՝ զենքի կիրառմամբ հանցագործությունների հետևանքով: Այս մասին հաղորդում է Russia Today-ը:
Ընկնելու հետևանքով Նյու Յորքում տարեկան մոտ 300 բնակիչ է մահանում: Համեմատության կարգով նշվում է, որ տարեկան հրազենի զոհ են դառնում 239, իսկ սառը զենքի՝ 88 մարդ:
Յուրաքանչյուր տարի ընկնելու հետևանքով վնասվածքներ ստացած մոտ 17. 000 մարդ է հայտնվում հիվանդանոցում, որպես կանոն՝ մեծահասակներ։
Նյու Յորքի քաղաքապետի տեղակալ Լիլիամ Բորիս-Պաոլին, հաշվի առնելով հարցի կարևորությունը, հայտարարել է, որ անհրաժեշտ է խնդրին լուծում գտնել:
«Նյու Յորքում մեծահասակների ընկնելու դեպքերը» հաշվետվությունը կազմվել է հիվանդանոցներում և ծեր մարդկանց օգնության կենտրոններում անցկացվող հետազոտությունների հիման վրա: Հետազոտությունները փաստում են, որ ընկնելու դեպքերից մեծ մասը տեղի է ունենում տանը, իսկ ավելի հաճախ՝ ննջարանում:
Այսօր Նյու Յորքի բնակչությունը կազմում 1.3 մլն: Սպասվում է, որ 2030թ.-ին այն կավելանա 50%-ով:










