Սիրիայի քիմիական զենքի վերացումը կտևի մինչև ամառ. ՔԶԱԿ-ի ղեկավար
Սիրիայի քիմիական զենքի ամենավտանգավոր մասնիկների վերացումը կարող է տևել մինչև այս տարվա հունիսի վերջ։ Reuters-ի փոխանցմամբ՝ այս մասին Հռոմում ասել է Քիմիական զենքն արգելող կազմակերպության ղեկավար Ահմեթ Ուզունչյուն:
Նա ասել է, որ առայժմ Սիրիայից դուրս բերված քիմիական զենքի քանակությունն այնքան էլ մեծ չէ:
Սիրիայից քիմիական զենքի դուրսբերումը նորվեգական նավերով սկսվել էր հունվարի 7-ին: Օրեր անց այդ զենքի ոչնչացման պատրաստակամություն էր հայտնել Գերմանիան:










