Իրանի արտգործնախարարը ժամանել է Մոսկվա

14:19 • 16.01.14

Իրանի արտաքին գործերի նախարար Ջավադ Զարիֆը ժամանել է Մոսկվա` Ռուսաստանի ղեկավարության հետ մի շարք հարցեր քննարկելու:

 

«Ազատություն» ռադիոկայանի ռուսալեզու ծառայությունը հայտնում է, որ մասնավորապես քննարկման թեման է լինելու Իրանի միջուկային ծրագրի շուրջ վերջին համաձայնության ձեռքբերումը:

 

Զարիֆը կբանակցի Ռուսաստանի նախագահի և արտգործնախարարի հետ:
Հետաքրքրական է, որ նա Մոսկվա է ժամանել Դամասկոսից, և նրա հետ Ռուսաստան է եկել նաև Սիրիայի արտգործնախարար Վալիդ Մուալեմը:

 

Երեկ Սիրիայում կայացել էր Զարիֆի հանդիպումն այդ երկրի նախագահի հետ, քննարկման թեման Սիրիայի հարցով խաղաղ բանակցություններն էին եղել, որոնք մեկնարկում են Շվեյցարիայում հաջորդ շաբաթ: Իրանի մասնակցությունը հաստատված չէ, քանի որ Վաշինգտոնը կասկածում է, թե դա կարող է կառուցողական լինել: