«Խելացի» գոտին գեղեցկացնում է կրողի կեցվածքն ու թույլ չի տալիս մարդուն կուչ գալ (լուսանկարներ)

13:06 • 18.01.14

Գաղտնիք չէ, որ գեղեցիկ տեսք ունենալու համար միայն հաճելի դիմագծեր ու համաչափ կազմվածք ունենալը բավական չէ. պետք է նաև սլացիկ կեցվածք ունենալ, ինչը միանգամից ընդգծում է մարդու բարեմասնությունները։

Սակայն աշխատանքային պայմանների կամ պարզապես հոգնածության պատճառով մարդիկ միշտ չէ, որ հետևում են չգրված այս կանոնին։ Ուստի նրանց օգնելու համար ամերիկացի մասնագետները ստեղծել են հետաքրքիր մի սարք, որը կրողին մշտապես հիշեցնում է ողնաշարն ուղիղ պահելու մասին։

Սենսորով համալրված LUMO գոտին, որի հեղինակներն են Սթենֆորդի համալսարանի գիտնականները, հետևում է կրողի կեցվածքին, ու ամեն անգամ, երբ նա կուչ է գալիս, սարքը սկսում է թրթռալ։

Բացի այդ, գոտին կրողին տեղեկացնում է, թե նա օրվա կտրվածքով որքան կալորիա է այրում։ Գոտին արժե 150 դոլար։