Ֆրանսիան օդային տարածքը փակել է Սիրիայի պատվիրակության համար
Ֆրանսիան փակել է երկրի օդային տարածքը Սիրիայի պատվիրակության համար, որը մեկնում է «Ժնև-2» համաժողովին մասնակցելու, տեղեկացնում է gazeta.ru-ն՝ France-Presse գործակալությանը հղումով։
«Ժնև-2» համաժողովը, որը նվիրված է լինելու Սիրիայի հակամարտության խաղաղ կարգավորմանը, տեղի է ունենալու հունվարի 22-ին, Շվեյցարիայի Մոնտրյո քաղաքում։
Համաժողովին մասնակցելու է Սիրիայի կառավարության պատվիրակությունը՝ արտգործնախարար Վալիդ Մուալլեմի գլխավորությամբ, և սիրիական ընդդիմադիր կազմակերպությունները։










